Ao longo do mes de xullo estaba previsto levar a cabo a actividade do Paraugas literario, que debido as inclemencias temporais non se puido realizar. @s nen@s de Educación Infantil de xeito conxunto ían desenvolver unha coreografía da canción “A horta de Balbina”, aproveitando a mesma como proposta final do Programa Mestres Gandeiros, no que estivemos embarcados este curso escolar.
A continuación preséntase a actuación.
Unha das últimas actividades levadas a cabo en relación co programa “Mestres Gandeiros” e co PDI deste ano, Galicia, estivemos a traballar sobre as lavandeiras, levando a cabo como actividade final sobre esta temática unha saída ao lavadoiro.
O alumnado de 6º de Educación Infantil, levou a cabo un obradoiro para elaborar queixo fresco, neste caso con leite de ovella, que se desenvolveu no recinto da Semana Verde.
O noso horto xa comezou a dar os seus primeiros froitos, por iso, nas aulas 1, 4, 5 e 6, comezamos a degustar algúns dos productos que dela saen, como a leituga.
Con ela fixemos unha boa ensalada, que comemos na hora da merenda, e para facela máis atractiva engadímoslle ingredientes coma olivas, millo…
Ummm, que rica!
A profe Patri atopou uns zocos vellos pola casa, e aproveitando que estamos a decorar zapatóns para despois plantar amorodos, pensou en que os cativ@s podían deixalos ben bonitos, para logo pasar a formar parte do decorado do noso horto.
Pouco a pouco vai collendo forma!
Unha das actividades propostas para seguir desenvolvendo o Programa “Mestres gandeiros”, dende as aulas 1,4,5 e 6, aproveitando que estamos inmersos en todo o relacionado co horto, e que serviu a vez, para desenvolver unha das actividades conmemorativas, sinaladas no calendario escolar “1 de abril: Día das Artes Galegas”, as cales son de obrigado cumprimento, foi a realización de cadros con legumes.
E como non podía ser menos, sairon verdadeiras obras.
Todos uns artistas!
E seguindo co horto os nen@s do grupo 1, levaron a cabo o transplante dos seus cultivos: rúcula, espinacas e canónigos.
Estade atentos a súa evolución!
Alá polo mes de febreiro comezamos a matinar sobre como montar un horto na escola, ao abeiro do Programa Mestres Gandeiros no que estamos inmersos, e que ao mesmo tempo, gardase relación co PDI sobre Galicia.
Pois ben, pouco a pouco vai collendo forma.
Comprobade como vamos avanzando, nas tarefas de sementar, transplantar, regar, manter o composteiro…, para elo toca na regadeira que a continuación se presenta e verás un montón de imaxes.
Por medio do reciclado de papel, os pequech@s do grupo 6, elaboraron uns bonitos niños, e os que posteriormente encheron de oviños de chocolate, un dos elementos típicos da Pascua.
Os nen@s da aula 6 estiveron a cociñar con ovos de Paspallás. Están feitos tod@s uns chefs!
Ao longo da semana previa a Pascua, estivemos a coñecer diferentes tipos de ovos, tendo en conta a súa procedencia animal (ovos de oca, de quica, de galiña, de codorniz...) e características (traballando tamaños, formas, cores...).
