Os nenos e nenas de infantil dicimos NON á violencia de xénero.
A través do conto "Vera astronauta" traballamos valores fundamentais como o respecto, o agarimo o bo trato e a axuda mutua.
Todo o colexio participou na elaboración de mensaxes ocultas en códigos QR, que os nenos e nenas puideron ir escoitando ao longo da mañá.
🍂 Queredes ver o noso recuncho de outono no cole?🍁
Preparamos unha exposición de froitos e froitas da estación, decorada con carteis elaborados polos nenos e nenas.
Ademais, na aula fixemos diferentes actividades plásticas con follas, explorando as súas formas, cores e tamaños. Pintamos e creamos obras de arte outonais.
Levamos a cabo unha actividade moi especial para aprender como é o noso planeta por dentro🌍
Partindo dun ovo cocido, transformámolo nunha pequena Terra en miniatura:
pintamos a "corteza" por fóra, despois abrímolo con coidado para descubrir o "manto" e cortámolo para ver o "núcleo" no seu interior.
Repetimos a experiencia tamén con plastilina.
Puidemos observar e comprender como está formada a Terra, dunha maneira moi divertida e visual.
Este curso puxemos rumbo ao espazo; cada aula escolleu a súa propia maneira de viaxar: entre estrelas, planetas, cometas... e así decoramos as portas das nosas clases.
Astronautas, naves espaciais, simpáticos marcianos e moitas cores dan a benvida a todos os que chegan ao noso cole.
No cole vivimos unha xornada moi especial celebrando o "SAMAGOSTÍN", unha festa que une o Samaín e o magosto nun día cheo de diversión, maxia e algún que outro susto.
Participamos en xogos no patio e en diversos obradoiros nas aulas: fixemos apócemas máxicas, puxémonos tatuaxes galácticos, metemos a man en caixas misteriosas e tamén houbo música e baile.
Rematamos a festa vendo unha película terrorificamente divertida e, por suposto, non faltaron as castañas!!
Viva o Samagostín!!🎃🌰
Nas aulas de infantil vivimos un Samaín moi científico e creativo.
Creamos escenarios espantosos, fixemos apócemas máxicas, observamos reaccións terroríficas e descubrimos texturas sorprendentes e... tamén algo pringosas!
Este ano, para decorar o cole polo Samaín, as familias puxeron toda a súa creatividade en marcha e trouxeron cabazas inspiradas no espazo: foguetes, planetas, astronautas, marcianos e estrelas cheas de luz e imaxinación ✨🚀 Cada cabaza foi unha auténtica obra de arte. Os corredores do cole convertéronse nun universo terrorificamente espacial.👽🎃
Grazas a tódalas familias pola vosa participación!!
Nas aulas 2 e 6 leváronse a cabo obradoiros de decoración de cabazas. As familias viñeron ao cole para axudar aos nenos e nenas a darlles forma, cor e moita imaxinación ás súas cabazas de Samaín.
Quedaron terrorificamente bonitas! 👻🎃
Mirade o vídeo e veredes canto gozamos xuntos!!