Este ano nas aulas de Educación Infantil, faremos fincapé no proxecto anual que leva por título "A volta ao mundo en 80 días", o cal parte do Proxecto Documental Integrado do centro.
Así pois, nas seis aulas de Educación Infantil, xa comezamos a preparar a viaxe.
Como elementos motivadores chegaron a aula, de diferente xeito, unha carta, firmada por un tal Phileas Fog, na que se nos pide axuda...
... un mapa no que se traza o itinerario a realizar nos oitenta días...
... e como non, un pasaporte para cada un de nós.
Ás aulas 2, 3, 4 e 5, Willy Fog, enviounos os elementos precisos para comezar a viaxe nunha maleta. Tiñades que ver as nosas caras de sorpresa ao ver aquilo ao chegar pola mañá, e as ganas de abrilas por ver o que contiñan dentro.
E nas aulas 1 e 6 Willy Fog chegou voando nun globo, xunto co seu amigo Rigodón.
Agora si que comeza a aventura, por iso nos caracterizamos un pouco de dous dos personaxes principais e nos adentramos na historia, comezando o camiño de cara a procura de Willy Fog para acompañalo na travesía arredor do mundo. Serán multiples e diversas as experiencias que nos quedan por levar a cabo...
...pero a onde nos dirixiremos?
ESTADE MOI ATENT@S AS NOSAS ANDANZAS!
No hay comentarios:
Publicar un comentario